«ՀՀԿ-ական իշխանությունից դժգոհ էինք նաեւ այն պատճառով, որ արդարադատություն չի իրականացնում»,- «Առավոտի» հետ զրույցում ասաց ՎՍԴՀԿ ատենապետ Լյուդմիլա Սարգսյանը` անդրադառնալով քաղբանտարկյալներին եւ հատկապես «Սասնա ծռերին» անհապաղ ազատ արձակելու պահանջներին: «Անձնապես շատ լավ վերաբերվելով «Սասնա ծռերի» բոլոր անդամներին եւ հասկանալով, որ նրանք այդ քայլին գնացին այլընտրանքի բացակայության պատճառով, այդուհանդերձ՝ պետք է արձանագրել, որ նրանց գործողությունների արդյունքում երկու ոստիկան զոհվեց:
Դատարանը պետք է վերանայի «Սասնա ծռերի» գործերը, եւ եթե արդարացման հիմքեր կան, ապա միայն այդ դեպքում նրանց ազատ արձակել»,- ասաց մեր զրուցակիցը` պնդելով, որ «Սասնա ծռերի» գործը չի կարելի նույնականացնել բացառապես քաղաքական հայացքների համար դատապարտվածների գործերի հետ:
«Առավոտ»
11.05.2018
