Այսօր կառավարության նիստում ՀՀ 3-րդ նախագահ Սերժ Սարգսյանին բնակարան տրամադրել-չտրամադրելու հարցը քննարկվեց: Վարչապետ Նիկոլ Փաշինյանը հանձնարարեց կառավարական առանձնատան սեփականաշնորհման հատվածը չեղյալ անել, ապա հանձնարարեց այլ լուծումներ գտնել:
Փաշինյանը վարչապետի աշխատակազմի ղեկավար Էդգար Աղաջանյանին հանձնարարություն տվեց՝ Սերժ Սարգսյանին բնակարանով ապահովման հարցի իրավական, օրենքի սահմաններում լուծումներ գտնել:
Կառավարության նիստից հետո լրագրողների հետ ճեպազրույցում վարչապետ Փաշինյանը՝ Սերժ Սարգսյանին բնակարան տրամադրելու հանձնարարականի մասին ասաց. «Ես կարծում եմ լուծումները պետք է համարժեք լինեն այն լուծումներին, որոնք կիրառվել են Լեւոն Տեր-Պետրոսյանի եւ Ռոբերտ Քոչարյանի դեպքում»:
Նելլի ԲԱԲԱՅԱՆ
