«Ես պնդում եմ, որ Հայաստանին ԱԱԾ ոչ թե պետք չէ, այլ դա պետականությունը սպանող գործիք է: ԱԱԾ-ն, որն իրականում KGB-ի վերանվանումն է, դասակարգային պայքարի ու այլախոհության դեմ պայքարի կոմունիստական գաղափարախոսության գործիք է եւ այն պահպանելն արդեն մեծագույն սխալ է, իսկ եթե ժառանգում ենք նրա երիտասարդ կադրերին, համենայնդեպս, դա երկրորդ հարվածն է:
Այն հակահեղափոխությունը, որը դեռեւս հարձակման էլ չի ենթարկվել, ամրապնդում է իր դիրքերը՝ հանձինս Օսիպյանի ու Վանեցյանի: Ես լցված եմ հույսերով ու հույս ունեմ, որ սխալվում եմ իմ կոշտ գնահատականներում, բայց դեռեւս չեմ պատրաստվում քննադատել Նիկոլին, նրան մաղթում եմ հեռատեսություն: Ես սպասելու եմ եւս երկու- երեք ամիս, ամիսներ անց կհասկանանք՝ ինչ է կատարվում ու կկարողանամ վերջնական կարծիք կազմել»,- Վալերի Օսիպյանի եւ Արթուր Վանեցյանի պաշտոնների նշանակմանն անդրադառնալով՝ կարծիք կազմեց ռեժիսոր Տիգրան Խզմալյանը:
Արփինե ՍԻՄՈՆՅԱՆ
