Կառավարությունը մտադիր է հիմնել «Ռազմատեխնիկական գիտահետազոտական ինստիտուտ» ՊՈԱԿ՝ ՀՀ զինված ուժերը ժամանակակից սպառազինությամբ եւ ռազմական տեխնիկայով ապահովելու եւ նախադրյալներ ստեղծելու հայրենական արտադրության սպառազինության որոշ տեսակներ արտաքին շուկա հանելու նպատակով: Այս մասին վաղը՝ մայիսի 11-ի կառավարության նիստում նախագիծ կներկայացնի պաշտպանության նախարարի պաշտոնակատար Վիգեն Սարգսյանը: Նիստը կվարի նորընտիր վարչապետ Նիկոլ Փաշինյանը:
«Ռազմատեխնիկական գիտահետազոտական ինստիտուտ» ՊՈԱԿ-ին նաեւ կթույլատրվի որպես ձեռնարկատիրական գործունեության տեսակներ, իրականացնել տեխնիկական փորձարկումներ եւ վերլուծություններ, գիտական հետազոտություններ եւ փորձարարական մշակումներ բնական եւ տեխնիկական գիտությունների բնագավառում, մասնագիտական, գիտական և տեխնիկական այլ գործունեություն:
Վիգեն Սարգսյանը Նիկոլ Փաշինյանին կհայտնի, որ նախագծի անհրաժեշտությունը բխում է ՀՀ նախագահի 2017թ. դեկտեմբերի 30-ի «Հայաստանի Հանրապետության ռազմարդյունաբերական համալիրի զարգացման պետական ծրագրից եւ 2018-2020 թվականներին իրականացվող միջոցառումների ցանկից:
Լուսինե ԲՈՒԴԱՂՅԱՆ
