Ամերիկայի հայ դատի հանձնախումբը նամակով դիմել է ԱՄՆ պետքարտուղար Մայքլ Պոմպեոյին՝ խնդրելով աջակցել Հայաստանի խաղաղ, աննախադեպ և սահմանադրական իշխանափոխությանը՝ արագացված կարգով ընթացք տալով «Հազարամյակների մարտահրավերներ կորպորացիայի» կողմից Հայաստանին 140 միլիոն դոլար դրամաշնորհ տրամադրելու գործընթացին, որը կուղղվի գիտության, տեխնոլոգիաների, ճարտարագիտության, արվեստի և մաթեմատիկայի (STEAM) ոլորտներին: Նամակը հետևել է Նիկոլ Փաշինյանի վարչապետ ընտրվելուն:
««Հազարամյակների մարտահրավեր կորպորացիան» Հայաստանի ժողովրդավարական զարգացումների համար այս խճճված պահին կարող է կենտրոնական դեր խաղալ հայ-ամերիկյան հարաբերությունների այս նոր փուլում: Հենց այս ոգով էլ մենք խնդրանքով դիում ենք ձեզ՝ անհապաղ նախաձեռնելու քննարկում՝ Հայաստանի հետ նոր STEAM- ի վրա հիմնված համաձայնագրի վերաբերյալ»,- ասվում է Հանձնախմբի նախագահ Րաֆֆի Համփարյանի նամակում:
Պատրաստեց՝ Վիկտորյա ԱՆԴՐԵԱՍՅԱՆԸ
