ՀՀ ԱԺ փոխնախագահ, ՀՀԿ խոսնակ Էդուարդ Շարմազանովը կարծում է, որ վարչապետ Նիկոլ Փաշինյանի ելույթում «բարի ցանկություն կար, որը տանում է դեպի երջանկություն», բայց` ինչպե՞ս պետք է հասնենք այդ ամենին, նա չի լսել: «Աստված տա, մեր մտահոգությունները փարատվեն»,- այսօր ԱԺ հատուկ նիստից հետո լրագրողների հետ զրույցում հայտարարեց ՀՀԿ խոսնակ, ԱԺ փոխնախագահ Էդուարդ Շարմազանովը:
Անկախ ՀՀԿ-ի քվեարկությունից, ըստ Էդուարդ Շարմազանովի, իրենց հավաքական կարծիքը Նիկոլ Փաշինյանի վարչապետության վերաբերյալ չեն փոխել. «Իրողությունների հետ հաշվի չնստելը կարող է հանգեցնել քաղաքական ճգնաժամի, իսկ քաղաքական ուժը, որն իրեն համարում է պետական գաղափարախոսության կրող, միայն վերմակն իր վրա գցելով չէ, երբեմն պետք է գնալ զիջումների` շատ լավ հասկանալով, որ դա է այս պահին իրական ճանապարհը»:
Լրագրողներից մեկը հարցրեց`իսկ ՀՀԿ-ն կպահպանի՞ մեծամասնությունը խորհրդարանում, Էդուարդ Շարմազանովը պատասխանեց. «Իսկ որեւէ մեկը կասկածո՞ւմ է»:
Մանրամասները`տեսանյութում
Նելլի ԳՐԻԳՈՐՅԱՆ
