Այսօր Ազգային Ժողովում հատուկ նիստից առաջ, որի ընթացքում ՀՀ վարչապետ է ընտրվելու, միակ թեկնածուն՝ Նիկոլ Փաշինյանն է, «Ծառուկյան դաշինք» խմբակցության ղեկավար Գագիկ Ծառուկյանը վստահեցրեց՝ Փաշինյանի կողքին են լինելու:
«Մենք Նիկոլ Փաշինյանի կողքին ենք լինելու, աջակցելու ենք, չենք խանգարելու: Ժողովուրդը ում առաջադրի՝ մենք նրա կողքին ենք»,-ասաց Ծառուկյանը՝ պատասխանելով այն հարցին՝ թե ժամանակին Փաշինյանը քննադատել է նրան:
Ծառուկյանն ասաց, որ Փաշինյանն այնպիսի գործ է արել, որ պետք է ջնջել բացասականը: Հարցին՝ դուք ջնջե՞լ եք, պատասխանեց. «Մեր մեջ այդպիսի բան չի եղել, ես քեզ ասեմ: Ես եթե հանրապետականին եմ ներել…»:
Մանրամասն՝ տեսանյութում
Նելլի ԲԱԲԱՅԱՆ
