Այսօր ԱԺ հատուկ նիստն է, որտեղ քննարկվում է Նիկոլ Փաշինյանին վարչապետ ընտրելու հարցը:
Նիկոլ Փաշինյանը, մտնելով ԱԺ նիստերի դահլիճ, ձեռքով սկսեց բարեւել որոշ պատգամավորների: Մասնավորապես, նա մոտեցավ եւ սեղմեց ՀՀԿ խմբակցության ղեկավար Վահրամ Բաղդասարյանի, խմբակցության քարտուղար Գագիկ Մելիքյանի ձեռքը, իսկ նրանց կողքին նստող Գալուստ Սահակյանին՝ ոչ: Պարզ չէր՝ դա արվեց հատո՞ւկ միտումով, թե նրա համար, որ Գալուստ Սահակյանը դեռ չէր հասցրել տեղավորվել ու կարծես «պատրաստ չէր» բարեւելու:
Հետո իր տեղից իջավ եւ Փաշինյանին բարեւելու համար մոտեցավ Գագիկ Ծառուկյանը: Փաշինյանը բարձրացավ նաեւ ԱԺ նախագահությանը բարեւելու՝ Բաբլոյանին, Արփինե Հովհաննիսյանին ու Էդուարդ Շարմազանովին:
Նիստին գրանցվել է 100 պատգամավոր: Նիստի մեկնարկին նաեւ շնորհավորեցին Շուշիի ազատագրման տոնը՝ ծափերով:
Հռիփսիմե ՋԵԲԵՋՅԱՆ
