Այսօր Նիկոլ Փաշինյանը կընտրվի ու անհապաղ կնշանակվի վարչապետ, և նրա դեմ դեֆակտո ու դեյուրե սկսելու է գործել հակահեղափոխությունը: Մի քանի շաբաթ շարունակ «Նիկոլ վարչապետ» բացականչողներն ակնկալում են արագ փոփոխություններ, նրանք հեղափոխություն չեն արել, որ շարունակեն հին կյանքով ապրել: Արագ փոփոխություններ չեն լինելու: Համակարգային փոփոխությունները ժամանակ են պահանջում:
Փաստ չէ, որ ՀՀԿ-ն չի դիմադրելու ոչ միայն ԱԺ-ում, այլև կառավարման համակարգի ողջ ներուժով, միանգամից չի հաջողվի ազատվել փոքր ու մեծ սաբոտաժների, սադրանքների ունակ ու տրամադիր կադրերից` հեղափոխության «զոհերը» փորձելու են ինքնապահպանվել, դա հակիրճ կոչվում է հակահեղափոխություն:
Այսինքն` մենք պերմանենտ հայտնվելու ենք փակ փողոցների ու շրջափակումների, դասադուլների ու գործադուլների շրջապտույտում, երբ նորից խորհրդարանը լինելու է Հանրապետության հրապարակի ճնշման տակ:
Անահիտ ԱԴԱՄՅԱՆ
Հոդվածն ամբողջությամբ՝ «Իրատես» թերթի այսօրվա համարում
