ՀՅԴ անդամ, իջեւանցի ԱԺ պատգամավոր Սուրեն Մանուկյանը ապրիլի 25-ին Ֆեյսբուքի իր էջում տարածել էր հետեւյալ հայտարարությունը. «Ես՝ Սուրեն Մանուկյանս, 2018թ ապրիլի 22-26-ը եղել եմ գործուղման Բաթումիում, մասնակցում եմ ՆԱՏՕ-ի խորհրդարանական վեհաժողովին, բայց ուշադիր հետեւում եմ Հայաստանում կատարվող իրադարձություններին եւ իմ համերաշխությունն եմ հայտնում ժողովրդական հեղափոխությանն ու նրա առաջնորդ Նիկոլ Փաշինյանին: Ես միշտ հավատարիմ եմ եղել իմ ընտրողների՝ Տավուշի տարածաշրջանի ժողովրդի ձայնին, լինելով նրանց ընկերը: Այս ամենը նկատի ունենալով եւ իմ ընտրողների պահանջին արձագանքելով` այս վճռորոշ պահին միանում եմ համաժողովրդական շարժմանը: Սա իմ անձնական որոշումն է»:
Հետո ՀՅԴ-ն միացավ շարժմանը:
ՀՅԴ մեր աղբյուրը հայտնեց, թե քանի որ Ս. Մանուկյանը առանց կուսակցության որոշման էր միացել համաժողովրդական շարժմանը, նրա հանդեպ կուսակցական տույժ է կիրառվել, մեկ տարով կախակայվել է նրա կուսակցական գործունեությունը: Այդ ընթացքում նա չի կարող մասնակցել ՀՅԴ ժողովներին:
Ոսկան ՍԱՐԳՍՅԱՆ
Դու քո արարքով ապացուցեցիր, որ ժողովրդի կողմից ես ընտրված։
Սուրեն Մանուկյանը միշտ էլ ապացուցել է, որ իր համար մարդկային արժեքներից բարձր ոչ մի արժեք գոյություն չունի։ Մենք քեզ հետ ենք և միշտ էլ լինելու ենք քո կողքին… Տավուշը Հպարտանում է քեզանով…