Երեկ երեկոյան Արցախի Հանրապետության նախագահ Բակո Սահակյանն իր մոտ է հրավիրել Արցախի խորհրդարանի պատգամավորներին ու խորհրդակցություն անցկացրել նրանց հետ։ Մեր այս տեղեկությունը հաստատեց Արցախի խորհրդարանի պատգամավոր, «Շարժում-88» խմբակցության ղեկավար Էդուարդ Աղաբեկյանը։
– Այս օրերին տեղեկություններ էին տարածվում, որ հակառակորդի կողմից զորաշարժեր կան, ուժեր են կենտրոնացնում սահմանին եւ այլն։
Կա նման բան։
– Բայց Սասուն Միքայելյանը մայիսի 1-ին՝ վարչապետի ընտրության օրը, հերքեց դա։
Սասունն էն օրվա մասին էր խոսում, դու ինձ հարցնում ես էս պահի դրությամբ։
– Ես նկատի ունեմ թե՛ էս պահի դրությամբ, թե՛ վերջին մեկ շաբաթվա կտրվածքով։
Սասունը չի ասում՝ չի լինելու։
– Իսկ նախորդ օրերին, այս մեկ շաբաթվա ընթացքում, այսինքն՝ ինչ այս շարժումը սկսվել է Հայաստանում, կա՞ր նման ակտիվություն սահմանին։
Դե, առաջվա հանգիստ իրավիճակը չի եղել, իհարկե, տեղաշարժեր կային։
– Դա կարո՞ղ էր կապված լինել Հայաստանում ծավալվող իրադարձությունների հետ։
Միանշանակ, հո էդքան ապո՞ւշ չեն իրանք։
– Իսկ այդ ակտիվության շարունակությո՞ւնը, Ադրբեջանի կողմից կոնկրետ գործողություններ սպասո՞ւմ եք։
Ադրբեջանը ցանկացած պահի էլ կարող է հարձակվի, անկախ նրանից՝ միտինգ կա, թե չկա։
Վահե ՄԱԿԱՐՅԱՆ
Հարցազրույցն ամբողջությամբ՝ «Հրապարակ» օրաթերթի այսօրվա համարում
