Դավիթ Սանասարյանը, որը նույնպես ընդդիմության հրավիրած հանրահավաքի հարթակում է, ասաց՝ նախկին ՀՀԿ-ականները Արցախի հարցով տարածում են, թե Նիկոլ Փաշինյանը գալիս է հող զիջելու. «Ես ձեզ, պաշտոնապես հավաստիացնում եմ, որ Նիկոլի՝ Արցախի մասին հնչեցրած հայտարարությունն աննախադեպ էր, իշխանությունները շատ-շատ ավելի ցածր նշաձող են սահմանել»:
Նա, դիմելով արցախցիներին, ասաց. «Սիրելի արցախցիներ, եկեք այս հրապարակ եւ տեսեք, Արցախն ազատագրած հրամանատարներն իրենց ջոկատներով այս հրապարակում են»:
Դավիթ Սանասարյանը նաեւ խոսեց Ռոբերտ Քոչարյանից. «Պրիվետ Ռոբ»: Նրա խոսքով. «Ռոբերտ Քոչարյանը, որը Սահարա անապատում սատկած առյուծների հետ նկար էր նկարում, նորից հայտնվել է արենայում: Ասեմ՝ թե այս մարդն ինչու է անհանգստացած, իր քավորությամբ, մասնակցությամբ ստեղծված արատավոր համակարգը փլուզվում է: Այս մարդն անհանգստացած է, քանի որ փորձում է եւս մեկ մարտի մեկ կազմակերպել, բայց հանդիպեց ժողովրդի արձագանքին: Ուրեմն հավաքիր շորերդ ու գնա»: Նրա խոսքով որեւէ երկիր չի կարող խառնվել Հայաստանի ներքին գործերին»:
Լուսինե ԲՈՒԴԱՂՅԱՆ
