Հանրապետության հրապարակում այս պահին ընթացքող հանրահավաքում «Իմ քայլը» նախաձեռնության անդամ Արայիկ Հարությունյանն ասաց, որպեսզի Սփյուռքում համախմբումն ունենա կազմակերպված, ինստիտուցիոնալ բնույթ մշակվել է մի հռչակագիր, որին կարող են միանալ սփյուռքի համայնքային կազմակերպությունները, միավորումները եւ միությունները:
Արայիկ Հարությունյանն ասաց, որ այդ կազմակերպությունները կարող են միանալ իրենց հռչակագրին, որը կդրվի քաղաքացիական պայմանագրի ֆեյսբուքյան էջում:
Սույն հռչակագրով նախատեսվում է, որ համախմբումն ու ներուժն օգտագործել ի շահ Հայաստանի՝ արձանագրելով, որ այս պահին Նիկոլ Փաշինյանը ժողովրդի շահերի միակ ներկայացուցիչն ՝ դրանով իրենց աջակցությունը հայտնելով «Իմ քայլը» նախաձեռնությանն ու Նիկոլ Փաշինյանին:
Իսկ նախաձեռնության հաղթանակի եւ Նիկոլ Փաշինյանի վարչապետ դառնալու հաղթանակից հետո նախաձեռնում են մեծ հայրենադարձության գործընթաց՝ սփյուռքի մտավոր եւ ֆինանսական ներուժի ներգրավմամբ՝ հանուն Հայաստանի հանրապետության առաջընթացի:
Լուսինե ԲՈՒԴԱՂՅԱՆ
