Հաշվի առնելով վերջին օրերին Հայաստանի Հանրապետության ավտոմոբիլային ճանապարհներին ստեղծված իրավիճակը՝ պետական եկամուտների կոմիտեն տեղեկացնում է, որ, ընդառաջ գնալով տնտեսվարող սուբյեկտների բազմաթիվ դիմումներին, հաշվի առնելով վերջիններիս մտահոգությունները, «Մաքսային տարանցում» ընթացակարգի կիրառմամբ փոխադրվող ապրանքների և տրանսպորտային միջոցների՝ տարանցման ընթացակարգով նախատեսված ժամկետներում փոխադրման անհնարինության պարագայում առաջարկվում է ղեկավարվել ԵԱՏՄ մաքսային օրենսգրքի 149-րդ հոդվածով և նույն հոդվածի 2-րդ մասով նախատեսված ԵԱՏՄ հանձնաժողովի կոլեգիայի 2017 թվականի դեկտեմբերի 13-ի թիվ 170 որոշմամբ հաստատված կարգով:
Մասնավորապես, տարանցման ընթացակարգով նախատեսված ժամկետներում ապրանքներն ու տրանսպորտային միջոցները վթարի, անհաղթահարելի ուժի ազդեցության կամ փոխադրողի պարտավորությունների կատարումը խոչընդոտող այլ հանգամանքներ ի հայտ գալու դեպքում` տնտեսվարող սուբյեկտներն այդ մասին անհապաղ կարող են տեղեկացնել մաքսային մարմնին` [email protected] էլեկտրոնային փոստի հասցեով կամ 060-544444 թեժ գծի հեռախոսահամարով:
ՊԵԿ տեղեկատվության և
հասարակայնության հետ կապերի բաժին
