Վանաձորի Հայքի հրապարակում հավաքված ցուցարարները բարձր երաժշտություն են միացրել եւ ուրախանում են։
Վեր պարզած պաստառներն ու դրոշները ձեռքներին՝ ցուցարարները երգում ու պարում են։
Քաղաքի տարբեր հատվածներում էլ կազմակերպում են խաղ֊մրցույթներ։
Ցուցարարների շարքերում են՝ ուսանողներ, աշակերտներ, ուսուցիչներ, կարի ֆաբրիկաների ու այլ արտադրամասերի աշխատակիցներ, պոլիկլինիկաների աշխատողներ եւ այլն։
Հիշեցնենք, որ վաղ առավոտից փակ են քաղաքի գլխավոր փողոցներն ու խաչմերուկները։ Քաղաքում երթեւեկությունը շարունակում է մնալ կաթվածահար վիճակում։
Տաթեւիկ ՂԱԶԱՐՅԱՆ
