Արդեն լրացել է ԱԺ կանոնակարգ օրենքով սահմանված 4 ժամը, որը նախատեսված էր՝ ԱԺ նիստին անհրաժեշտ թվով պատգամավորների գրանցման համար:
Ինչպես արդեն տեղեկացրել ենք, այսօր առավոտյան ԱԺ նիստը տապալվեց, քանի որ պատգամավորների մեծ մասը չէին եկել, քվորում չկար: Բացի այդ, «Ծառուկյան» խմբակցության քարտուղար Վահե Էնֆիաջյանը հայտարարեց, որ իրենք այս քառօրյային բոյկոտում են նիստերը, չեն գալու:
Առավոտյան գրանցվել էր 27 պատգամավոր: Մինչեւ ժամը 14-ը գրանցված պատգամավորների թիվը դարձավ 33, բայց դա բավարար չէր: Քվորում ապահովելու համար պետք է գրանցվեր 53 պատգամավոր: Ընդ որում, նիստերի դահլիճում փաստացի ներկա էր 4 պատգամավոր:
ԱԺ նախագահ Արա Բաբլոյանը քիչ առաջ հայտարարեց, որ նիստը չի կայանա, նա ասաց. «Կհանդիպենք վաղը՝ ժամը 10-ին»:
Հռիփսիմե ՋԵԲԵՋՅԱՆ
