Նիկոլ Փաշինյանը հասավ Հանրապետության հրապարակ եւ պատրաստվում է «Էկոնոմիստ» հանդեսին հարցազրույց տալ «Մարիոթ Արմենիա» հյուրանոցում: Նա կոչ արեց խաղաղ սպասել մինչեւ ավարտի հարցազրույցը:
Ի թիվս այլ փողոցների, վաղ առավոտից տասնյակ մեքենաներ փակել են Կիլիկիայի ավտոկայան տանող ճանապարհը: Զբոսաշրջիկները եւ օդանավակայան գնացող մարդիկ ոտքով են գնում օդանավակայան, որի մի շարք աշխատակիցներ եւս գործադուլ են իրականացնում:
Իսակովի պողոտան երկկողմանի փակ է: 180 դպրոցի աշակերտները եւս այդ հատվածում են:
Օդանավակայան տանող խաչմերուկում ոստիկանական ավտոբուսներ կան, սակայն նրանք ոչնչի չեն միջամտում: Տեղացիները զբոսաշրջիկներին եւ ցուցարարներին թխվածք են բաժանում: Օդանավակայանի հարակից տարածքում ապրողներից մի քանիսն ասում են, որ զբոսաշրջիկները անգամ լուսանկարվում են ցուցարարների հետ:
Գոհար ՀԱԿՈԲՅԱՆ
