Արփինե Հովհաննիսյանն իր ելույթում ասաց. «Թերևս շատերը կվկայեն, որ իմ և պարոն Փաշինյանի 7-ամյա գործընկերության հարաբերությունները եղել են կառուցողական մթնոլորտում, չի եղել պոպուլիզմ, եղել է մտահոգ գործիչների մտքերի փոխանակություն: Ես էլի շարունակում եմ կարծել, որ պարոն Փաշինյանը մտահոգ է Հայաստանի ճակատագրով»
Նա բոլորին հանդուրժողականության կոչ արեց. «Ուզում եմ հասկանալ՝ սիրո համերաշխության մթնոլորտը չի՞ ենթադրում այլ կարծիք ունեցողների նկատմամբ հանդուրժողականություն»:
«Դուք իրոք կարծո՞ւմ եք, որ ես իմ համոզմունքն ու սկզբունքը պիտի փոխեմ, որովհետև ինձ զանգում կամ սպառնում են․ դուք դրանից հետո ինձ կհարգե՞ք»,- հարցրեց Հովհաննիսյանը:
Արարատ Միրզոյանն ի պատասխան ռեպլիկ արեց, թե սթափության կոչ է անում:
Արփինե Հովհաննիսյանն ասաց. «Ես հարց եմ ուզում տալ․ դուք համարում եք, որ իրավունքների խախտում իրականում չի՞ եղել, երբ իմ ընտանիքի անդամի հոգեհանգիստն էր, թաղման թափորը չէր կարողանում դիակը տանել եկեղեցի, որովհետև փողոցը փակ էր։ Անկեղծ հարց եմ տալիս․ էմոցիայի վրա չեմ խաղում։ Էս ու՞ր ենք մենք հասել»:
Արփինե Հովհաննիսյանը նաեւ ասաց, որ Նիկոլ Փաշինյանին քաղբանտարկյալների մասին տված հարցով ընդամենը Նիկոլ Փաշինյանի դիրքորոշումն էր ուզում պարզել, այլ ենթատեքստ դրա տակ չկար:
Գոհար ՀԱԿՈԲՅԱՆ
