Ինչպես արդեն տեղեկացրել ենք, այսօր ԱԺ արտահերթ նիստին չեն մասնակցում «Ծառուկյան» խմբակցության պատգամավորներ Իշխան Զաքարյանը եւ Մելիք Մանուկյանը:
Նաիրա Զոհրաբյանը լրագրողների հետ զրույցում ասել էր, որ Մելիք Մանուկյանը վիրահատված է եւ գտնվում է երկրից դուրս, մինչդեռ Իշխան Զաքարյանի բացակայության պատճառներից տեղյակ չէր:
«Ծառուկյան» խմբակցության քարտուղար Վահե Էնֆիաջյանն, որը զբաղվել է կազմակերպչական հարցերով, Aravot.am-ին ասաց, որ չի կարողացել կապվել Իշխան Զաքարյանի հետ. «Նրա օգնականը, ում հետ նաեւ խոսել եմ, նույնպես տեղեկություն չուներ»:
Հիշեցնենք, ԲՀԿ նախագահ Գագիկ Ծառուկյանը հայտարարել էր վարչապետի պաշտոնում Նիկոլ Փաշինյանի թեկնածությանը սատարելու մասին:
Նելլի ԳՐԻԳՈՐՅԱՆ
Ազգային ժողովում մի քանի դեպքեր կան երբ պատգամավորը նիստին չի մասնակցում բայց տեղեկացնում է ազգային ժողովի նախագահին իր ընտրության մասին