Երեւանում դադարեցվում է փողոցների շրջափակումը: Հիշեցնենք, այսօր կեսօրից մայրաքաղաքի շատ փողոցներ դարձյալ շրջափակման մեջ էին. խաղաղ անհնազանդության ցույցերը շարունակվում են: Ցուցարարները շարժվում են դեպի Ֆրանսիայի հրապարակ: Հիշեցնենք, ժամը 17-ին Ֆրանսիայի հրապարակից երթ է սկսվելու, իսկ երեկոյան, Հանրապետության հրապարակում կայանալու է հանրահավաք:
Հիշեցնենք, որ այսօր տեղի է ունեցել ՀՀԿ խմբակցության նախագահ Վահրամ Բաղդասարյանի եւ Նիկոլ Փաշինյանի հանդիպումը, որից հետո Վահրամ Բաղդասարյանը հայտարարել էր, որ ՀՀԿ-ն «չի խոչընդոտի» վարչապետի ընտրությունները, եթե թեկնածությունը ներկայացված լինի ԱԺ երեք խմբակցությունների կողմից, իսկ Նիկոլ Փաշինյանը հայտարարել էր, որ իր տպավորությամբ ՀՀԿ-ի կանխատրամադրվածությունն այնպիսին է, որ մայիս 1-ին վարչապետ ընտրվի:
Հիշեցնենք, նաեւ, որ երեկ ԲՀԿ նախագահ Գագիկ Ծառուկյանը`«Ծառուկյան» դաշինքը եւ ՀՅԴ-ն հայտարարեցին Նիկոլ Փաշինյանի թեկնածությունը պաշտպանելու մասին:
Նելլի ԳՐԻԳՈՐՅԱՆ
