Այսօր Վանաձորի Հայքի հրապարակը կրկին բազմամարդ էր: Հազարավոր լոռեցիներ ու այլ մարզերի բնակիչներ Վանաձոր էին եկել, ներկա գտնվելու Նիկոլ Փաշինյանի մասնակցությամբ հանրահավաքին: Նույնիսկ հորդառատ անձրեւը չէր խանգարում, որպեսզի մարդիկ նախատեսվածից մոտ մեկ ժամ ավելի սպասեն Փաշինյանին:
Ժամը 17:00-ի փոխարեն Փաշինյանը Վանաձոր հասավ գրեթե մեկ ժամ անց: Այստեղ նրան դիմավորեցին աղ ու հացով, նույնիսկ ծաղիկներ նվիրեցին:
Վանաձորցիներից մեկը մեզ հետ զրույցում ասաց, որ մեծ հույսով է եկել հանրահավաքին, եւ հուսով է, որ երկրում դրական փոփոխություններ կլինեն. «Հաղթանակի հավատ ունեմ: Միայն Նիկոլ Փաշինյանին եմ տեսնում որպես վարչապետ, այլ տարբերակ չեմ տեսնում: Ինչքան էլ ուզում են գլուխ գովան, խոստումներ տան, այլ տարբերակ չկա: Մարդկանց աչքը բաց էր, տեսնում էր ամեն ինչ, հիմա էլ լիովին բացվեց, եւ այլեւս չի փակվելու մեր աչքերը»:
Մանրամասները՝ տեսանյութում
Տաթևիկ ՂԱԶԱՐՅԱՆ
