«Գովեստի խոսքեր պետք է ասել ցուցարարներին, որոնք Նիկոլ Փաշինյանի առաջնորդությամբ խաղաղ, կանոնավոր կերպով դժգոհություն հայտնեցին: Գովեստի խոսքերի են արժանի նաեւ կառավարությունը, իրավապահները, որոնք այս օրերին մեծ զսպվածություն ցուցաբերեցին»,-Ծիծեռնակաբերդի հուշահամալիրում այսօր լրագրողների հետ զրույցում անդրադառնալով ժողովրդական պայքարի հաղթանակին, ասաց ՀՀ-ում ԱՄՆ դեսպան Ռիչարդ Միլսը:
«Եղել են արժանահավատ հաղորդումներ՝ ցուցարարների եւ լրագրողների հանդեպ բռնությունների մասին: Մեղավորները պետք է պատժվեն օրենքով»,-համոզմունք հայտնեց դեսպանը:
Ինչ վերաբերում է Սերժ Սարգսյանի՝ վարչապետի պաշտոնից հրաժարվելուն, Միլսի խոսքով. «Նա լսեց ժողովրդի ձայնը եւ հրաժարականի որոշում կայացրեց, որը, վստահ եմ՝ հեշտ որոշում չէր: Սա եւս գովեստի է արժանի: Առաջիկա օրերին կաշխատենք Կարեն Կարապետյանի հետ: Նպատակն է, որ միասնական երկխոսություն ծավալվի եւ բոլորն ընդհանուր հայտարարի գան»:
Լուիզա ՍՈՒՔԻԱՍՅԱՆ
