Կրեմլում զուգահեռներ չէին անցկացնի Հայաստանում տեղի ունեցող իրադարձությունների և Ուկրաինայում տեղի ունեցած պետական հեղաշրջման հետ: Այս մասին հայտարարել է Ռուսաստանի նախագահի մամուլի խոսնակ Դմիտրի Պեսկովը:
«Իհարկե, դեռ պետք է վերլուծել իրավիճակը, և ես մեկ անգամ կրկնում եմ. մենք շատ ուշադիր հետևում ենք դրան: Բայց այժմ կարող եմ ասել, որ այստեղ անտեղի է որևէ զուգահեռներ անցկացնել Ուկրաինայի հետ»,- ասել է Պեսկովը՝ պատասխանելով այն հարցին՝ արդյոք Հայաստանում տեղի ունեցած իրադարձությունները կարելի՞ է պետական հեղաշրջում անվանել՝ հաշվի առնելով, որ Ուկրաինայում նմանատիպ իրադարձությունները նույնպես տեղի ունեցան «փողոցի ճնշման տակ»:
Պատրաստեց Վիկտորյա ԱՆԴՐԵԱՍՅԱՆԸ
