Քիչ առաջ անակնկալ կերպով քաղաքացիների երթին միացան զինվորական համազգեստով շուրջ երկու տասնյակ երիտասարդներ: Այժմ երթն ընթանում է Խանջյան փողոցով:
Հարցին՝ իրենք ո՞ր զորամասից են, զինծառայողները չպատասխանեցին, միայն հայտարարեցին, որ իրենք իրենց ժողովրդի հետ են:
Նրանք հրահանգ ստացան, որ չպատասխանեն ոչ մի հարցին, այդ պատճառով պարզ չէ, թե հիմա նրանք ծառայության մեջ են, թե ոչ:
Չնայած բոլորը լուսանկարներում էին նրանց` սակայն որոշ զինվորներ խնդրում էին չլուսանկարել եւ չտեսագրել` սահմանին լարվածությունը բացառելու համար:
Տաթև ՀԱՐՈՒԹՅՈՒՆՅԱՆ
Հ. Գ. «Քաղաքացիական պայմանագիր» կուսակցությունը հանդես է եկել հայտարարությամբ. «Զինվորական ծառայության մեջ գտնվող բոլոր զինծառայողները պարտավոր են անմիջապես վերադառնալ իրենց նշանակման վայրը, եթե այդպիսիք կան: Ոչ մի զինվորական, շարքային անձնակազմից, ենթասպայական կամ սպայական անձնակազմից չպետք է մասնակցի խաղաղ անհնազանդության ակցիաներին։ Ձեր աջակցությունը մեզ անհրաժեշտ է ձեր նշանակության վայրերում, ձեր ծառայությունն իրականացնելիս։
Միևնույն ժամանակ հիշեցնում ենք, որ բանակը և զինվորականությունը պետք է ապաքաղաքական լինեն և չխառնվեն երկրի ներքին կյանքին: Բանակի կամ զինվորականների՝ քաղաքական գործընթացներին մասնակցության բացառման համար՝ թե իշխանության կողմից, թե ընդդիմության, պատասխանատու է Պաշտպանության նախարարությունը»:
