Այս պահին ՀՀ բոլոր բուհերից ուսանողական խմբեր դասադուլ են անում: Հանուն գիտության զարգացման նախաձեռնության անդամ Դավիթ Պետրոսյանն իր ֆեյսբուքյան էջում տեղեկացնում է. «Պոլիտեխնիկ, ԵՊՀ, Բժշկական, Թատերական, ՀՊՏՀ, Սլավոնական, Ֆրանսիական դուրս են եկել դասադուլի»:
Մի խումբ ուսանողներ խմբված են ԵՊՀ կենտրոնական մասնաշենքի դիմաց: Նրանցից մեկը գոչեց՝ մեր կարգախոսը հիշո՞ւմ եք, ուսանողները պատասխանեցին՝ ազատ, անկախ ուսանող: Բողոքի ցույցի դուրս եկած ուսանողները կոչ են անում նաև դասախոսներին միանալ իրենց: Ուսանողները Երևանի փոոցներով խաղաղ երթ են իրականացնում: Ուսանողները տեղեկացրին, որ իրենց քիչ առաջ միացան Բժշկականի ուսանողները: Ուսանողները նաև գոչում են՝ Նիկոլ-Նիկոլ:
Լարված վիճակ է Բաղրամյան պողոտայում: Ծնողները անչափահաս երեխաների հետ ցանկանում են դուրս գալ փողոց երթի, ոստիկանները բացատրում են, թե դա հնարավոր չէ: Նրանց միջև բանավեճ է տեղի ունենում: Քաղաքացիներից մեկը միջամտեց՝ ոչ մի գրամ ագրեսիա:
Տաթև ՀԱՐՈՒԹՅՈՒՆՅԱՆ
