Գյումրու ժուռնալիստների «Ասպարեզ» ակումբի խորհրդի նախագահ Լևոն Բարսեղյանի կալանքի վերաբերյալ միջնորդության քննությունը հետաձգվել է և կշարունակվի ապրիլի 23-ին, ժամը 12:00-ին:
Պաշտպանական կողմը Ավան և Նոր Նորք համայնքների ընդհանուր իրավասության դատարան միջնորդություն է ներկայացրել՝ պահանջելով Բարսեղյանի մեղադրանքի հիմքում դրված տեսանյութեր, և դատավոր Արտուշ Գաբրիելյանն այդ միջնորդությունը բավարարել է: Խոսքը, մասնավորապես, ապրիլի 14-ին նրա ելույթի եւ ապրիլի 16-ին ոստիկանների հետ բախման տեսագրությունների մասին է: Այս մասին ուղիղ եթերում հայտնել է Լեւոն Բարսեղյանը :
Հիշեցնենք, որ Հատուկ քննչական ծառայությունը Լեւոն Բարսեղյանին կալանավորելու միջնորդություն է ներկայացրել՝ զանգվածային անկարգություններ կազմակերպելու մեղադրանքով:
Լուսանկարը՝ արխիվային
