«Վաղն առավոտյան քաղաքացիները պետք է ինքնակազմակերպվեն իրենց մարզերում, քաղաքներում, գյուղերում, բակերում, փողոցներում, ամենուր և շարունակեն ապակենտրոն երթերը»:
ԱԺ պատգամավոր Լենա Նազարյանը այսօր Հանրապետության հրապարակում հանրահավաքի ընթացքում կարդաց Նիկոլ Փաշինյանի ուղերձը:
Հիշեցնենք, որ այսօր ձերբակալվել են ԱԺ պատգամավորներ Նիկոլ Փաշինյանը, Սասուն Միքայելյանը և Արարատ Միրզոյանը:
Լենա Նազարյանը կոչ է անում հավատարիմ մնալով խաղաղ անհնազանդության ոգուն շարունակել ապակենտրոն պայքարը ողջ երկրում. «Վաղն առավոտյան քաղաքացիները պետք է ինքնակազմակերպվեն իրենց մարզերում, քաղաքներում, գյուղերում, բակերում, փողոցներում, ամենուր և շարունակեն ապակենտրոն երթերը: Անվտանգության նկատառումներից ելնելով կոչ ենք անում ոչ ոք գիշերը փողոցում չմնա»:
Նելլի ԲԱԲԱՅԱՆ
