«Միանշանակ մերժում ենք այդ ծրագիրը»,-Aravot.am-ի հետ զրույցում ասաց ՀՀԿ խմբակցության պատգամավոր «Վիրահայերի միասնություն» հայրենակցական միության ղեկավար Տաճատ Վարդապետյանն՝ անդրադառնալով Նիկոլ Փաշինյանի երեկ հրապարակած ծրագրին:
«Սերժ Սարգսյանը հրաժարական է տալիս վարչապետի պաշտոնից, ԱԺ-ն վարչապետ է ընտրում ժողովրդի թեկնածուին, ձեւավորվում է ժամանակավոր կառավարություն, ՀՀ օրենսդրությամբ՝ վարչապետ նշանակվելուց հետո քսան օր հետո ԱԺ-ն պետք է հավանություն տա կառավարության ծրագրին: Երբ ձեւավորվում է ժամանակավոր կառավարություն, քաղաքական պայմանավորվածության համաձայն՝ ԱԺ-ն չի ընդունում կառավարության ծրագիրը, ինչից հետո իրավունքի ուժով տեղի են ունենում արտահերթ խորհրդարանական ընտրություններ», տիկին Բախշյանն ասում է՝ որ խորհրդարանը ցրելու քայլ պետք է լինի, այլընտրանք չի տեսնում. «Պետք է ԱԺ-ում բազմակարծությունն ապահովվի: Այն բոլոր քաղաքական հայացքները, որ կան Հայաստանում, պետք է պառլամենտ գնան: Խորհրդարանական հանրապետության պահանջը դա է: Կայուն մեծամասնություն հասկացությունը պետք է Սահմանադրությունից դուրս գա»,- այս ծրագիրն է առաջարկում Նիկոլ Փաշինյանը:
Տաճատ Վարդապետյանն ասաց, որ «Վիրահայերի միասնություն» հայրենակցական միությանը միանում է վարչապետ Սերժ Սարգսյանի երկխոսության առաջարկին:
«Խորապես մտահոգված եմ ծավալվող ներքաղաքական զարգացումներով: Անդառնալի կորուստներից խուսափելու նպատակով՝ կոչ եմ անում Ազգային ժողովի պատգամավոր Նիկոլ Փաշինյանին նստել քաղաքական երկխոսության և բանակցությունների սեղանի շուրջ: Դա պետք է անել անհապաղ»,- ասված է վարչապետ Սերժ Սարգսյանի հայտարարության մեջ:
Նելլի ԳՐԻԳՈՐՅԱՆ
