Կես ժամ առաջ Գյումրի բժշկական կենտրոն է դիմել 1978 թվականին ծնված, մասնագիտությամբ ոստիկան Ա. Ս.-ն՝ գանգատվելով, որ ծնկան հատվածում տրավմա է ստացել․ Գյումրիում անցկացվող երթի ժամանակ իրեն խփել են մեքենայով։
Ինչպես Aravot.am-ին տեղեկացրեց հիվանդանոցի փոխտնօրեն Արմեն Խաչատրյանը, բուժզննությամբ նրա մոտ ոսկրամկանային ախտահարումներ չեն հայտնաբերվել։
Ցուցարարներից մի քանիսի պնդմամբ էլ, այս դեպքը տեղի է ունեցել ոչ թե քայլերթի ընթացքում, այլ դրա ավարտից 15-20 րոպե հետո, երբ ցուցարարներն արդեն հեռացել էին, և ոստիկանին մեքենայով հարվածողը չէր կարող ցուցարար որակվել։
Նունե ԱՐԵՎՇԱՏՅԱՆ
