Հայաստանի մայրաքաղաք Երևանում և մի շարք այլ քաղաքներում բողոքի ցույցերի 8-րդ օրը ԵԱՀԿ ԽՎ մարդու իրավունքների կոմիտեի ղեկավար Իգնասիո Սանչես Ամորը (Իսպանիա) կառուցողական երկխոսության կոչ է արել կողմերին:
«Ես ողջունում եմ մարդկանց քաղաքացիական ներգրավվածությունը, որոնք խաղաղ ցույցերի միջոցով պաշտպանում են իրենց ազատության և խոսքի իրավունքները,- ասել է Սանչես Ամորը:- Այս իրավունքը պետք է հարգվի իշխանությունների կողմից, և ես հաշվի եմ առնում անհամաչափ ուժի կիրառման մասին տեղեկությունները: Միաժամանակ, ես հիշեցնում եմ, որ խաղաղ ցույցերի իրավունքը ցուցարարներին իրավունք չի վերապահում ուժով մտնել շինություններ և խանգարել գործընթացներին: Ես բոլոր կողմերին կոչ եմ անում զսպվածություն ցուցաբերել՝ ապահովելու հայերի՝ խաղաղ կերպով իրենց կարծիքն արտահայտելու իրավունքը, և ոչ եմ անում արագ վերադառնալ կառուցողական երկխոսության: Այս համատեքստում մամուլի ազատությունը կարևոր նշանակություն ունի, և լրագրողները պետք է պաշտպանված լինեն բռնության ցանկացած ձևից»:
Պատրաստեց Վիկտորյա ԱՆԴՐԵԱՍՅԱՆԸ
