Քիչ առաջ Երևան-Աբովյան մայրուղու վրայից բերման ենթարկվեց Sut.am կայքի լրագրող Տիրայր Մուրադյանը:
Նրա վզին նաև բեյջ կար, նա ներկայանում էր, որ լրագրող է, բայց միևնույն է, բերման ենթարկեցին: Տիրայր Մուրադյանը վրդովված հայտարարեց. «Քիչ առաջ ես մայթի վրա էի առանց հիմնավորման պարոն գնդապետն եկավ ու բերման ենթարկեց»:
«Ազատության» լրագրողի հարցին՝ ինչո՞ւ բերման ենթարկեցին լրագրողին, գնդապետն ասաց՝ ծառայության ընթացքում մի խանգարեք: Հետո կպարզենք՝ լրագրող էր նա, թե ոչ:
Նշենք, որ նաև խոչընդոտվում էր «Ազատություն» ռադիոկայանի օպերատորի աշխատանքը:
Այս հատվածում գտնվող մի շարք ցուցարարներ ներկայացան, որ Առինջ մոլի աշխատողներ են:
Տաթև ՀԱՐՈՒԹՅՈՒՆՅԱՆ
Հ. Գ. Տիրայր Մուրադյանին բերման ենթարկելու համար ոստիկանական մեքենա բռնի ուժով նստեցրած ոստիկանները լրագրողին ավելի ուշ հետ են բերել այնտեղ, որտեղից նստեցրել են մեքենա, Aysor.am-ին տեղեկացրել է ինքը՝ լրագրողը։ Ոստիկանության լրատվության հետ կապերի վարչության պետ Աշոտ Ահարոնյանը Aysor.am-ին փոխանցել է, որ մի քանի մետր հեռավորության վրա իջեցրել են լրագրողին։
Լուսանկարը՝ արխիվային
