Հիշեցնենք, այսօր 19. 00-ին Հանրապետության հրապարակում կրկին հանրահավաք է կայանալու: Վազգեն Սարգսյան փողոցում գտնվող նախարարությունների շենքերը պահպանող ոստիկաններին ցուցարարները բարի ծառայություն են մաղթում: Ոստիկանությունը հատուկ նշանակության լրացուցիչ ուժեր է բերում հրապարակ: Կառավարության շենքի մուտքերը փակել են ոստիկանները: Ոստիկանների շարժը գլխավորում է ՀՀ փոխոստիկանապետ Լեւոն Երանոսյանը:
Հիշեցնենք նաեւ, որ այսօր կառավարության առաջին նիստն է, որը վարելու է Սերժ Սարգսյանը: Նիստն, ըստ որոշ տեղեկությունների, հենց կառավարության շենքում է ընթանում: Նիկոլ Փաշինյանը հայտարարել էր, որ շրջափակելու են կառավարության շենքը՝ կառավարության աշխատանքը կազմալուծելու համար:
Նիկոլ Փաշինյանը կառավարության նիստը խամաճիկային է որակում: Ասում է՝ Սերժ Սարգսյանն արդեն գործոն չէ եւ ոստիկանական զրահների ետեւից է նայելու ժողովրդին:
Նելլի ԳՐԻԳՈՐՅԱՆ
