Կառավարության 3-րդ մասնաշենքի դիմաց ոստիկանական շղթան շարունակում է շրջափակած պահել շենքի մուտքը, իսկ ցուցարարները շարունակում են իրենց կարգախոսը վանկարկել՝ «Քայլ արա, մերժիր Սերժին»:
Նախնական տեղեկություններով, այսօր վաղ առավոտյան բերման ենթարկվածների թիվը հասնում է 17-ի, ոստիկանության լրատվության ու հասարակայնության բաժնից մեզ հայտնեցին, որ տեղեկություններ կտրամադրեն ավելի ուշ:
Շարժման առաջնորդ Նիկոլ Փաշինյանն էլ հայտարարեց, որ նոր կարգախոս պետք է որդեգրեն.« Բոլորս դիմում ենք մեր ոստիկաններին՝ քայլ արա, զենքդ դիր վայր»:
Նա նաեւ զրուցեց Երեւանի փոխոստիկանապետ Վալերի Օսիպյանի հետ, վերջինս ասաց, որ ցուցարարները անհամաչափ սահմանափակում են այլոց իրավունքները, հետեւաբար, իրենք էլ են սահմանափակող գործողություններ անելու:
Արփինե ՍԻՄՈՆՅԱՆ
