Քիչ առաջ երկկողմանի կասեցվեց Մաշտոցի պողոտայի երթևեկությունը:
Ցուցարարներն ուղևորվում են Բաղրամյան պողոտա, իսկ կմնան այնտեղ, գործողություններ կանեն, թե՝ ոչ, այդ մասին Նիկոլ Փաշինյանը ցուցարարներին կտեղեկացնի տեղում:
Ցուցարարները Մաշտոցի պողոտայով երթ են կատարում «Քայլ արա, մերժիր Սերժին», «Միացեք, միացեք», «Դուրս արի, փողոց» վանկարկելով: Պարբերաբար Նիկոլ Փաշինյանը հայտարարում է «Եղբայր, հանդարտ»:
Այնուհետև Նիկոլ Փաշինյանը սկսեց «շարք կանգնեցնել» ցուցարարներին: Հայտարարեց, որ կանայք ու աղջիկները գան առաջ, կասկածելի դեմքով մարդկանց ևս բերեց առաջին շարք: Այնուհետև հորդորեց ցույցի մասնակիցներին՝ ով վատ պահվածք դրսևորի, «ոլորել նրա ձեռքերն ու ոտքերը և չեզոքացնել»:
Տաթև ՀԱՐՈՒԹՅՈՒՆՅԱՆ
