Տիգրան Մազմանյանի փաստաբան Ռոբերտ Ռեւազյանն Aravot.am-ի հետ զրույցում ասաց, որ դատարանը երկու ժամից վճիռ կկայացնի: Այս պահին Տիգրան Մազմանյանը ձերբակալված է եւ գտնվում է ձերբակալվածների պահման վայրում: Նա կասկածվում է Հանրային ռադիոյի շենքի մոտ զանգվածային անկարգություններին մասնակցելու եւ շենքի գույքը վնասելու, ոչնչացնելու մեջ:
Պաշտպանը գտնում է, որ Տիգրանին առաջադրված հոդվածները անհիմն են, ինչի դեմ բողոք է ներկայացրել: Պաշտպանի խոսքով, Տիգրանին առաջադրված հոդվածները Քրեական օրենսգրքի 225 հոդվածի 2-րդ մասն ու 225-ի 1 հոդվածի առաջին մասն է:
Մեր հարցին՝ եթե Տիգրանին մեղադրանք առաջադրվի, ի՞նչ պատիժ է նախատեսված, պարոն Ռեւազյանն ի պատասխան ասաց՝ զանգվածային անկարգությունների համար երեք տարի ազատազրկում, մյուս հոդվածով էլ՝ տուգանք:
Լուսինե ԲՈՒԴԱՂՅԱՆ
Հ. Գ. Ավելի ուշ հայտնի դարձավ, որ Տիգրան Մազմանյանի ձերբակալման դեմ բողոքը մերժվել է:
