Քիչ առաջ «Իմ քայլը» նախաձեռնության առաջնորդ Նիկոլ Փաշինյանը հրահանգեց բացել Պռոշյան-Բաղրամյան խաչմերուկը, որը փակվել էր ցուցարարների կողմից:
Նա նաեւ հայտարարությամբ հանդես եկավ. «Սերժ Սարգսյանն այս գիշեր հրահանգել է, որ փշալարերն ու ոստիկանները Բաղրամյան պողոտայից հանվեն, որովհետեւ երեկ Հանրապետության հրապարակում ես հայտարարել էի, որ սրանից հետո Սերժ Սարգսյանը Հայաստանը պետք է տեսնի փշալարերի հետեւից:
Հիմա գիտեք՝ ինչու ենք եկել այստեղ, որ այս պատկերը վերականգնվի, այո՛, դու Հայաստանը տեսնելու ես այս ոստիկանների վահանների ապակիների ու փշալարերի հետեւից»:
Նիկոլ Փաշինյանը նաեւ որոշեց, որ հիմա իրենք երթով շարժվում են Երեւանի այլ փողոցներով, հավաքելու իրենց երթի մասնակիցներին, որոնք այլ փողոցներում սպասում են իրենց:
Ի դեպ, տեղեկություններ կան, որ Մաշտոցի պողոտայից այս պահին ցուցարարներ են բերման ենթարկվում:
Արփինե ՍԻՄՈՆՅԱՆ
