Ուրբաթ օրվանից Հայաստանի մայրաքաղաք Երևանում ցույցեր են սկսվել՝ կապված այն հանգամանքի հետ, որ արդեն իր առավելագույն՝ 2 ժամկետով պաշտոնավարած նախագահը դառնալու է վարչապետ: Բազմաթիվ հայեր վստահ են, որ դա փաստացի նշանակում է նախագահի երրորդ պաշտոնավարում, գրում է Human Rights Watch-ը:
Երևանում հազարավոր ցուցարարների մասնակցությամբ հանրահավաքն անցկացվում է խորհրդարանի ընդդիմադիր պատգամավոր Նիկոլ Փաշինյանի գլխավորությամբ: Նա մարդկանց քաղաքացիական անհնազանդության կոչ է արել: Ցուցարարների երթերն ընթանում են ամբողջ շաբաթվա ընթացքում. հազարավոր քաղաքացիներ արգելափակում են կենտրոնական փողոցներն ու կամուրջները:
Շարժման առաջնորդները ցուցարարներին կոչ են արել հավաքներն անցկացնել խաղաղ մթնոլորտում: Այնուամենայնիվ, ցուցարարների և ոստիկանների միջև բախումներ են տեղի ունեցել, երբ ցուցարարները փորձել են մոտենալ խորհրդարանի շենքին, որից հետո ոստիկանությունը խլացուցիչ նռնակներ է կիրառել: Բախումների հետևանքով 40 ցուցարար և 6 ոստիկան տեղափոխվել է հիվանդանոց:
Հայաստանի իշխանությունները պետք է պաշտպանեն մարդկանց խաղաղ հավաքների իրավունքը: Ոստիկանության ցանկացած պատասխան պետք է լինի համաչափ: Հայաստանի ոստիկանության համար երբեք ուշ չէ հետ քաշվել անհամաչափ ուժ կիրառողի իր համբավից:
Պատրաստեց՝ Վիկտորյա ԱՆԴՐԵԱՍՅԱՆԸ
