Նիկոլ Փաշինյանը Ֆրանսիայի հրապարակում այս պահին ելույթ է ունենում: Նրա խոսքով, ԱԺ-ում արդեն սկսվել է այդ խամաճիկային նիստը. «Այսօր առավոտյան դպրոցական երեխաները շրջափակել են արտաքին գործերի նախարարի ավտոմեքենան, ինչ իրավիճակ է սա»:
Նիկոլ Փաշինյանն ասաց, որ ոստիկանությունն իր ողջ հատուկ միջոցները կուտակել է Բաղրամյան պողոտայում եւ իրենք կփոխեն իրենց մարտավարությունը եւ կշարժվեն կաթվածահար անելու կառավարական շենքերի աշխատանքը. «Մենք երթով կշարժվենք մնացած բոլոր կառավարական շենքերի գործունեությունը պարալիզացնելու ուղղությամբ, այնտեղ որտեղ կհաջողվի նստացույց անել, կանենք, թույլ չենք տա ներս մտնել ու դուրս գալ, կոչ կանենք միանալ մեզ: Մենք պետք է պարալիզացնենք ողջ պետական համակարգը: Թող Սերժ Սարգսյանը մնա այնտեղ իր դեպուտատներով»:
Մարզերի բնակիչներին էլ Նիկոլ Փաշինյանը կոչ արեց մտնել քաղաքապետարաններ, գյուղապետարաններ, մարզպետարաններ՝ նրանց աշխատանքը կաթվածահար անելու համար:
Լուսինե ԲՈՒԴԱՂՅԱՆ
