«Ելք» դաշինքի անդամ կուսակցությունների ներկայացուցիչներ Արամ Սարգսյանի, Մանե Թանդիլյանի եւ Էդմոն Մարուքյանի՝ այսօր Բաղրամյան պողոտա գալը դեռ չի նշանակում, որ նրանք միացան Նիկոլ Փաշինյանի պայքարին:
«Մեր բոլոր տեքստերն ուժի մեջ են, ասել ենք, որ բռնություն լինի, այստեղ կլինենք, ու այստեղ ենք, սա նշանակում է, որ այստեղ ենք, որ բռնություն չկիրառվի »,- լրագրողներին ասաց «Լուսավոր Հայաստան» կուսակցության առաջնորդ Էդմոն Մարուքյանը՝ պատասխանելով հարցին, թե արդյոք միանում են պայքարին:
«Հանրապետություն» կուսակցության ղեկավար Արամ Սարգսյանն էլ ասաց, որ ապրիլի 19-ից հետո կանդրադառնա գործընթացին, իսկ Բաղրամյան պողոտա գալով՝ ոչ թե միանում է պայքարին, այլ ինչպես ավելի վաղ ասել էր՝ եթե ցուցարարների նկատմամբ ուժ կիրառվի, կլինի ընկերների կողքին, այդպես էլ արել է:
Արփինե ՍԻՄՈՆՅԱՆ
