«Հայաստանի իշխանություններն իրավունք չունեն անել հայտարարություններ, որոնք վտանգում են ՀՀ-ԱՄՆ հարաբերությունները»

Ռուսաստանի Դաշնության քաղաքական թելադրանքի ներքո գործող ՀԱՊԿ Խորհուրդը 2018 թվականի ապրիլի 14-ին հրավիրած նիստում հայտարարություն է ընդունել, որտեղ ի թիվս այլ հարցերի, ԱՄՆ, Ֆրանսիայի և Մեծ Բրիտանիայի կոալիցիոն ուժերի կողմից Սիրիայի քիմիական զենքերի պահեստարանների և այլ կառույցների հրթիռակոծումը համարել է անօրինական և միջազգային օրենքներին հակառակ:

Նշվում է նաև, որ ԱՄՆ և իր դաշնակիցներն իրենց գործողություններով վտանգում են Սիրիայում հակաահաբեկչական պայքարը և այդ երկիրը տանում կործանման: ՀԱՊԿ-ի անդամ է նաև Հայաստանի Հանրապետությունը:

Ելնելով այն փաստից, որ ՀՀ իշխանություններն արդեն երկար տարիներ ձևավորվում են անօրինական, կեղծված ընտրություններով և կլանային սկզբունքով ու իրենց գործունեությամբ ՀՀ-ը դարձրել են Ռուսաստանի գաղութը, ոչնչացնելով անկախ պետականությանը բնորոշ բոլոր ինստիտուտները, մենք՝ ԱՄՆ-ում գործող հայկական կազմակերպություններս հայտարարում ենք, որ ՀՀ իշխանություններն ապօրինի են, չեն ներկայացնում ՀՀ պետության և բնակչության շահերը, հետևաբար իրավունք չունեն ՀՀ անունից հայտարարություններ անել, վտանգելով ԱՄՆ և ՀՀ գործընկերային հարաբերությունները և ՀՀ անվտանգությունը՝ ՀՀ-ն մատնելով քաղաքական լիակատար մեկուսացման:

Գեոպոլիտիկ ակումբ (Geopolitical Club)

Policy Forum Armenia

Հայկական Վերածնունդ Լոս–Անջելեսի մասնաճյուղ (Armenian Renaissance Los Angeles Chapter)

Քաղաքացիական աջակցության Հայ–Ամերիկյան Կենտրոն (Armenian American Civil support center)