Ցուցարարները Նիկոլ Փաշինյանի գլխավորությամբ Խանջյանով շարժվեցին դեպի Երեւանի պետական մանկավարժական համալսարան:
Համալսարանի դռները փակ չէին, ցուցարարները հանգիստ մտան եւ սկսեցին լսարաններով անցնելով՝ կոչ անել ուսանողներին դասադուլ անել, միանալ իրենց:
Այնուհետեւ Գրիգոր Լուսավորչի փողոցով շարժվեցին դեպի Հաղթանակ կամուրջ: Նիկոլ Փաշինյանը տեղեկություն ստացավ, որ ոստիկանությունն այդ հատվածում փորձում է երթեւեկությունը վերականգնել եւ էվակուատոր ավտոքարշակ է բերել: Ցուցարարները, հասնելով կամրջի մոտ, նստեցին փողոցում, քարշակը շրջադարձ կատարեց եւ Հրազդանի կիրճ մտավ: Փաշինյանը հորդորեց էվակուատորի անիվները ծակել: Հետո հորդորեց ոչ թե ծակել, քանի որ դա ի վերջո մեր բյուջեի հաշվին է գնվել, այլ՝ իջեցնել անիվները:
Ավելի ուշ ցուցարարները շարժվեցին դեպի Մաշտոցի պողոտա: Փաշինյանը տեղեկացրեց, որ Հերացի փողոցում բախման արդյունքում մի քանի ուսանողներ հիվանդանոցում են գտնվում: Նա մաղթեց երիտասարդներին շուտափույթ ապաքինում:
Հռիփսիմե ՋԵԲԵՋՅԱՆ
Դե իհարկե, ինչպես միշտ, ուսանողները հիվանդանոցում են, Նիկոլը ապաքինում է մաղթում: Մարտի մեկին Նիկոլը կոչ էր անում բարիկադներ սարքել, արդյունքը բոլորս գիտենք: Զարմանում եմ միայն ժողովրդի կարճ հիշողության վրա: Հերթական անգամ Սերժի խամաճիկ ընդդիմությունն ու ակտիվիստները կատարում են պարտիական հանձնարարությունը, ժողովուրդն էլ ջուր է լցնում այդ ջաղացին:
Տե՛ր, մի տանիր զմեզ ի փորձութիւն այլ փրկեա զմեզ ի չարէ։
Այսօր 20 տարեկան երեխան 2008-ին տասը տարեկան էր… Այս նիւթերի վերաբերեալ ի՞նչ է տեսել էն վախտը, այդ տարիքին, որ հիմա մի բան յիշէ: Անկէ ի վեր ալ այդ ու նման դէպքերի մասին լսել է միայն քաղաքական ամենացած մակարդակի քարոզչութիւն, նենգ ճառախօսութիւն, զգայացունց ու դատարկ լոզունքներ:
Այսպէսով է որ, ամէն 10 տարի, անմիտ եւ անպատասխանատու քաղաքական գործիչներ իրենց միեւնոյն փտած ապրանքին նոր ու խանդավառ յաճախորդներ կը գտնեն, կը կարողանան երեխաներ դարձեալ խաբել, մղել ու տանիլ դէպի այլազան տեսակի յիմարութիւններ: