Շախմատի Հայաստանի անցած տարվա չեմպիոն գրոսմայստեր Հովհաննես Գաբուզյանը, որն անվճար հիմունքներով եւ լրիվ կրթաթոշակով այժմ սովորում է ԱՄՆ-ի Ռիո-Գրանդե Վելլի համալսարանում, այդ կրթօջախի հավաքականի կազմում մասնակցել է ԱՄՆ-ի ուսանողական առաջնությանը եւ նվաճել գլխավոր մրցանակը՝ ԱՄՆ նախագահի գավաթը:
Հայ գրոսմայստերը մեծ ավանդ է ունեցել այդ նվաճման մեջ: Եզրափակչում Գաբուզյանի թիմն առավելության է հասել վերջին հինգ տարիների անփոփոխ չեմպիոն Վեբսթերի համալսարանի նկատմամբ: Հովհաննեսը հաղթել է բոլոր պարտիաներում:
Աշոտ ՀԱԿՈԲՅԱՆ
