86 տարեկանում մահացել է ռեժիսոր Միլոշ Ֆորմանը: Այս մասին գրում է Hollywood Reporter-ը՝ վկայակոչելով չեխական մամուլը:
Մահվան պատճառը չի հաղորդվում: Ռեժիսորն ուներ կին և 4 որդի:
Միլոշ Ֆորմանը ծնվել է Չեխիայի Չասլավ քաղաքում 1932թ.: Երբ 1968թ. խորհրդային զորքերը մտան Չեխոսլովակիա, Ֆորմանը չվերադարձավ Ֆրանսիայից, որտեղ ֆիլմի նկարահանման շուրջ բանակցություններ էր վարում: Ավելի ուշ նա տեղափոխվեց ԱՄՆ:
Միլոշ Ֆորմանն առավել հայտնի է «Թռիչք կկվի բնի վրայով» ֆիլմով: Նա երկու անգամ «Օսկարի» է արժանացել:
Պատրաստեց Վիկտորյա ԱՆԴՐԵԱՍՅԱՆԸ
