Կենտրոն վարչական շրջանի Պետրոս Ադամյան փողոցով դեպի դպրոց շտապող երեխաներն այսօր՝ 2018 թվականի ապրիլի 13-ին, ստիպված էին անցնել գիշերվա ընթացքում ձևավորված հսկա աղբանոցի միջով։
Այս փողոցի մաքրության հարցը ամիսներ շարունակ չի լուծվում։ «Սանիտեկի» աշխատակիցները մաքրում են հարակից տարածքները (չի բացառվում՝ հավելյալ վճարովի հիմունքներով), սակայն մշտապես շրջանցում են այդ փողոցը։
Երևանի ավագանու «Երկիր Ծիրանի» խմբակցության բազմաթիվ ահազանգերը «Սանիտեկ» ընկերությունը թողել է անպատասխան։ Փողոցի աղտոտվածության հարցը չի լուծվել անգամ «շաբաթօրյակների» ընթացքում։
Երևանի ավագանու «Երկիր Ծիրանի» խմբակցությունը պահանջում է թե՛ ներկայացված հսկա աղբակույտի, թե՛ ողջ տարածքի շտապ մաքրում և մաքրության մշտական ապահովում։
Մարինա Խաչատրյան
Երևանի ավագանու «Երկիր Ծիրանի» խմբակցության անդամ
Բժիշկ-նյարդավիրաբույժ
Երևանի ավագանու «Երկիր Ծիրանի» խմբակցություն
