Հարցազրույց քաղաքագետ ԱԼԵՔՍԱՆԴՐ ՄԱՐԿԱՐՈՎԻ հետ
-«Քաղաքացիական պայմանագիր» կուսակցության պատգամավորները խորհրդարանում հրավառություն իրականացրին՝ ծխեցնելով նիստերի դահլիճը։ Ինչպե՞ս եք գնահատում ՔՊ–ի իրականացրած այդ «գունավոր ծխի» ակցիան:
-Եթե դիտարկենք փիառի տեսանկյունից, ապա «Քաղաքացիական պայմանագիր» կուսակցության պատգամավորները փորձեցին «պայթյունի» էֆեկտ առաջացնող յուրօրինակ մի բան անել, ծուխ բարձրացնել դահլիճով մեկ: Սովորաբար հրավառություններն արվում են մարդկանց զվարճացնելու նպատակով, իսկ կատարվածը, եթե գնահատենք քաղաքականության տեսանկյունից, քաղաքական գործընթացների վրա որեւէ էական ազդեցություն չունեցող ակցիա էր:
Դա նաեւ մի գործողություն էր, որը ցույց տվեց տվյալ քաղաքական ուժի եւ այն իրականացնող քաղաքական գործիչների լրջության աստիճանը:
–ԱԺ փոխնախագահ Էդուարդ Շարմազանովի գնահատմամբ՝ շոուն չստացվեց:
-Համաձայն եմ Շարմազանովի հետ. իրոք չստացվեց շոուն, ընդամենը անհրաժեշտություն առաջացավ բացել դահլիճի դռներն ու օդափոխել: «Քաղաքացիական պայմանագիր» կուսակցությունը ֆիզիկապես էլ չի կարող հասնել իր նպատակին, դրանում համոզվելու համար կատարեք պարզ թվաբանական հաշվարկ ու կհամոզվեք, որ տվյալ քաղաքական ուժը փոքրամասնություն է հենց ընդդիմության մեջ:
«Ելք» դաշինքի 9 պատգամավորից միայն երեքն են նման գործողությունների կողմնակից, մյուսները դեմ են: Հետեւաբար որպես ընդդիմություն նրանց նպատակն էր այդպիսի հրավառությամբ ցույց տալ մարդկանց իրենց դիրքորոշումը, դա անել հնարավորինս բարձրագոչ՝ ծխով, աղմուկով: Բայց դա ոչ մի կապ չունի արդյունավետության հետ: Մենք ընդամենը ոչ արդյունավետ ակցիայի, չստացված շոուի հետ գործ ունենք:
Ա. Սիմոնյան
Հոդվածն ամբողջությամբ կարդացեք «Հայոց Աշխարհ» օրաթերթի այսօրվա համարում
