Թուրքիայի լեզվաբանական ընկերության (TDK) կայքի էլեկտրոնային բացատրական բառարանում «ռուս» բառի բացատրությունը ներկայացվում է նաև բացասական երանգով ու վիրավորական շեշտադրումով:
Այսպիսով «ռուս» բառի համար նշված է բացատրության 2 տարբերակ։
1. Ռուսաստանի Դաշնությունում բնակվող արևելասլավոնական ժողովուրդ
2.«Մոսկովյան գյավուր»
Նշենք, որ «գյավուր»-ը բառացիորեն նշանակում է «անհավատ»։ Թուրքերը «գյավուր» են անվանում նրանց, ովքեր մուսուլման չեն: Թուրքերի կողմից գործածվող այդ բառը թշնամական երանգ ունի և պարունակում է արհամարհական ու ստորացուցիչ իմաստ։ Եվ ահա ըստ թուքական բառարանի՝ ռուսները մոսկովյան գյավուրներ են:
Նշյալ բառարանում այս և մի շարք այլ բառերի բացատրությունը մեծ աղմուկ ու դժգոհություն է առաջացրել սոցցանցերում:
Համացանցի թուրք օգտատերերից ոմանք իրենց մեկնաբանություններում նշել էին.
«Հետաքրքիր կլինի տեսնել այն մարդկանց դիպլոմները ովքեր կազմել են այս բառարանը»:
«Այս երկրում կա արդյո՞ք մի բան, որ ճիշտ է ներկայացվում»:
«Չեմ թողնելու, որ դպրոցում սովորող երեխաս օգտվի այս բառարանից»։
«Արդարություն և զարգացում» կուսակցության ենթակայության տակ գտնվող կառույցները պետք է փակել»:
Աղբյուր` Hurriyet
