«Դրոյի գործով» ցմահ ազատազրկման դատապարտված Արսեն Արծրունուն Վերաքննիչ դատարանն էլ մերժեց: Դատարանն անփոփոխ թողեց Շիրակի մարզի ընդհանուր իրավասության դատարանի որոշումը, ըստ որի մերժվել է Արսեն Արծրունու պատժի հետագա կրումից պայմանական վաղաժամկետ ազատ արձակելը, կամ պատժի չկրած մասն ավելի մեղմ պատժատեսակով փոխարինելու բողոքը:
Պաշտպան Նարինե Ռշտունու համար սպասելի էր դատարանի նման որոշումը: «Եթե այդ որոշումը դրական լիներ, մեր ուզածով լիներ եւ Արսեն Արծրունին ազատ կարձակվեր, այդ նախադեպը ի վերջո կստեղծվեր: Երեւի մեր արդարադատությունը, եթե տվյալ պարագայում կարող ենք այդպես կոչել պատրաստ չէ դեռ դրան, ցավոք սրտի» :
Ցմահները ներման խնդրագրով կարող էին դիմել նաեւ նախագահին: Այս տարիներին, սակայն ներման որեւէ խնդրագիր հավանության չի արժանացել: Սահմանադրական փոփոխություններից հետո ցմահներին ներում է շնորհելու վարչապետը: «Դեռ չգիտենք ո՞վ է լինելու վարչապետը, ինչ կփոփոխվի: Ամեն դեպքում մեր նախկին նախագահը հնարավորություն ուներ ներում շնորհելու, բայց որքան տեսնում եք, ներումը չշնորհվեց: Հույս ունենք, կարող է նոր վարչապետը իր նշանակվելու առթիվ գնա այդ արդար քայլին»,- ասաց պաշտպանը:
Մանրամասն՝ կարդացեք այստեղ
