«Ռոսսելխոզնադզորը» ապրիլի 11-ից կստուգի լոլիկի հայ արտադրողներին, քանի որ կասկածում է թուրքական արտադրանքի վերաարտահանման մեջ: Այս մասին գրում է «ՌԻԱ Նովոստին»՝ վկայակոչելով գերատեսչության մամուլի հաղորդագրությունը, որը կազմվել է Հայաստանի գյուղնախարարության համապատասխան ծառայության հետ բանակցություններից հետո:
«Ռուսական կողմը մտահոգություն է հայտնել, որ այս պահին Հայաստանի Հանրապետությունում բարենպաստ պայմաններ են ստեղծվել արտահանելու թուրքական ծագման լոլիկը հայկականի անվան տակ… Կողմերը պայմանավորվել են ապրիլի 11-ից ստուգել լոլիկի արտադրությամբ զբաղվող հայկական ձեռնարկությունների աշխատանքը»,- ասվում է հաղորդագրության մեջ:
Ռուսական գերատեսչության տվյալներով՝ ՌԴ շուկա լոլիկ են մատակարարում գլխավորապես երկու արտահանող կազմակերպություն՝ «Սպայկան» և «Գրինպրոդուկտը», որոնք ունեն ինչպես սեփական արտադրական հարթակներ, այնպես էլ զբաղվում են տարբեր արտադրողներից լոլիկ գնելով:
Պատրաստեց՝ Վիկտորյա ԱՆԴՐԵԱՍՅԱՆԸ
