Մոսկվայում անցկացված անվտանգության վեհաժողովի ժամանակ Ռուսաստանի արտգործնախարար Սերգեյ Լավրովն ասաց, թե ռուս նախկին լրտես Սկրիպալի դեմ գազային հարձակումը բեմականացում էր ռուս դիվանագետներին անհիմն ու զանգվածային կերպով վտարելու համար:
Ռուսաստանը հայտարարում է, թե միգուցե Մեծ Բրիտանիան է հարձակումն իրականացրել` Ռուսաստանին թիրախավորելու համար եւ նախազգուշացնում նոր Սառը պատերազմ սկսվելու վտանգի մասին:
Սերգեյ Լավրովի խոսքերով‘ «Ռուսաստանը կպաշտպանի իր շահերը, ինքնիշխանությունը եւ անկախությունը նպատակաուղղված ու արդյունավետ եղանակով` մեր տրամադրության տակ գտնվող բոլոր միջոցներով»:
Ռուսաստանի ռազմական ուժերը, ըստ մարդու իրավունքների պաշտպան կազմակերպությունների, կործանարար ազդեցություն են ունեցել Սիրիայում: Սակայն անվտանգության հարցերով Մոսկվայի վեհաժողովի ժամանակ ռուս գեներալ Սերգեյ Ռուցկոյի խոսքերով, իր երկրի ուժերը շրջադարձ են իրականացրել Սիրիայի պատերազմում:
«Ռուսաստանի օդային ուժերի գործողությունների հետեւանքով Սիրիայում ԴԱԵՇ խմբավորումն այլեւս գոյություն չունի»:
Մանրամասներին կարող եք ծանոթանալ՝ «Ամերիկայի ձայն»-ի կայքում:
