Վաշինգտոնը պատժամիջոցային ցուցակում է ներառել 38 ռուս գործարարների, պաշտոնատար անձանց և ընկերությունների: Այս մասին հաղորդվում է ԱՄՆ Ֆինանսների նախարարության կայքում:
Ցուցակում, մասնավորապես, հայտնվել են Օլեգ Դերիպասկան, Սուլեյման Քերիմովը, Կիրիլ Շամալովը, Վիկտոր Վեքսելբերգը, Իգոր Ռոտենբերգը, ինչպես նաև «Գազպրոմի» ղեկավար Ալեքսեյ Միլլերը, Անվտանգության խորհրդի քարտուղար Նիկոլայ Պատրուշևը, ՎՏԲ բանկ ղեկավար Անդրեյ Կոստինը, «Ռոսկոմնադզորի» ղեկավար Ալեքսանդր Ժարովը, «Ռոսգվարդիայի» տնօրեն Վիկտոր Զոլոտովը:
Ընդհանուր առմամբ, ցուցակում ներառվել է 7 գործարար, 12 ընկերություն և 17 ռուս պաշտոնյա:
Նոր պատժամիջոցների պատճառ է դարձել Ուկրաինայում և Սիրիայում տիրող իրավիճակը և կիբերհարձակումները, ինչպես նաև Ռուսաստանի փորձերը՝ խարխլել արևմտյան ժողովրդավարությունը:
Գործարարների դեմ գործադրված միջոցները բացատրվում է նրանով, որ նրանք օգնել են Ռուսաստանի կառավարությանը:
«Նրանք մեծ օգուտներ են ստացել Պուտինի վարչակարգի հետ աշխատանքից և առանցքային դեր են կատարում Կրեմլի չարակամ օրակարգի առաջ մղման գործում… Ռուս օլիգարխները և էլիտան, որոնք օգուտ են ստանում կոռումպացված համակարգից, այլևս չեն կարող ընդլայնվել իրենց կառավարության ապակայունացնող գործողությունների պատճառով»,- ասվում է հաղորդագրության մեջ:
Վաշինգտոնում նաև հայտարարել են, որ այդ քայլերը «մանրամասն համաձայնեցվել են եվրոպացի դաշնակիցների հետ»:
Պատրաստեց՝ Վիկտորյա ԱՆԴՐԵԱՍՅԱՆԸ
